Kamandzir «Azova» Prakapienka staŭ hienierałam

Prezident Ukrainy Uładzimir Zielenski prysvoiŭ vajskovaje zvańnie bryhadnaha hienierała kamandziru 1‑ha korpusa Nacyjanalnaj hvardyi Ukrainy «Azoŭ» Dzianisu Prakapienku, paviedamlaje «Suśpilnie».

Dzianis Prakapienka

Dzianis Prakapienka razam sa svaimi padraździaleńniem u pačatku poŭnamaštabnaj vajny Rasii suprać Ukrainy try miesiacy abaraniaŭ Maryupal na terytoryi pradpryjemstva «Azoŭstal». 16 maja 2022 hoda Prakapienka paviedamiŭ pra zahad vyšejšaha kiraŭnictva spynić abaronu Maryupala, kab zachavać žyćci vajskoŭcaŭ harnizona. 17 traŭnia Prakapienka atrymaŭ askołačnaje ranieńnie, a 20 traŭnia razam z kamandavańniem pakinuŭ «Azoŭstal» i zdaŭsia ŭ pałon.

21 vieraśnia 2022 hoda Prakapienku vyzvalili padčas abmienu pałonnymi dy internavali ŭ Turcyi. Pavodle papiarednich damoŭlenaściaŭ, jon pavinien byŭ zastavacca ŭ Turcyi da kanca vajny, ale 8 lipienia 2023 hoda viarnuŭsia va Ukrainu paśla sustrečy prezidentaŭ Ukrainy i Turcyi.

Paśla viartańnia Prakapienka adnaviŭ słužbu ŭ bryhadzie «Azoŭ», prajšoŭ reabilitacyju i znoŭ uznačaliŭ padraździaleńnie, jakoje sa žniŭnia 2023 hoda vykonvaje bajavyja zadačy na Danbasie.

Kamientary da artykuła