Uitkaf anansavaŭ trochbakovyja pieramovy «na praciahu 10 dzion»
Śpiecyjalny pradstaŭnik prezidenta ZŠA Donalda Trampa Styŭ Uitkaf zajaviŭ pra mahčymaść praviadzieńnia trochbakovych pieramoŭ pamiž ZŠA, Ukrainaj i Rasijaj na praciahu najbližejšych dziesiaci dzion, paviedamlaje «Jeŭrapiejskaja praŭda».
Styŭ Uitkaf. Fota: Ludovic Marin / Pool photo via AP
Raniej Uitkaf anansavaŭ sustreču ŭ Ženievie z kiraŭnikom ukrainskaj pieramoŭnaj hrupy, sakratarom Rady nacyjanalnaj biaśpieki i abarony Ukrainy Rustemam Umieravym. Pavodle jaho słoŭ, paśla pieramoŭ u Ženievie Umieraŭ moža naviedać Fłarydu, dzie i adbudziecca trochbakovaja sustreča delehacyj ZŠA, Ukrainy i Rasii.
Z amierykanskaha boku ŭ mahčymych pieramovach taksama płanuje ŭdzielničać Džared Kušnier, ziać Donalda Trampa.
17—18 lutaha ŭ Ženievie ŭžo prajšli trochbakovyja sustrečy pradstaŭnikoŭ Ukrainy, ZŠA i Rasii, na jakich abmiarkoŭvalisia mahčymyja paramietry zaviaršeńnia vajny. Prezident Ukrainy Uładzimir Zialenski pa ich vyniku adznačyŭ, što bačyć peŭny prahres u vajskovym kirunku pieramoŭ, ale nie ŭ palityčnym.
Pavodle infarmacyi ŚMI, palityčnyja kansultacyi ŭ Ženievie sutyknulisia ź ciažkaściami praz pazicyi kiraŭnika rasijskaj delehacyi Uładzimira Miadzinskaha. Razam z tym Uitkaf zajaviŭ, što ŭ najbližejšyja tydni mohuć źjavicca «dobryja naviny» adnosna mahčymaści zakančeńnia rasijska-ŭkrainskaj vajny, i nie vyklučyŭ praviadzieńnia sustrečy prezidentaŭ Ukrainy i Rasii Uładzimira Zialenskaha i Uładzimira Pucina najbližejšym časam.
Čytajcie taksama:
«Pucin užo pačaŭ Treciuju suśvietnuju». Zialenski pra pieramirje, vybary i sastupki Rasii
Kiraŭniki jeŭrapiejskich raźviedsłužbaŭ nie raźličvajuć na spynieńnie vajny ŭ hetym hodzie — Reuters
Pradstaŭniki Ukrainy i Rasii sustrelisia asobna paśla zaviaršeńnia trochbakovych pieramoŭ u Ženievie
Uitkaf paśla pieramoŭ u Ženievie zajaviŭ ab vielizarnym prahresie
Vašynhton pastaviŭ novuju datu zaviaršeńnia vajny va Ukrainie — Bloomberg