Žychar Babrujska palavaŭ na dzika, a padstreliŭ ryś
U studzieni žychar Babrujska razam ź siabrami ŭdzielničaŭ u zahonnym palavańni ŭ Asipovickim rajonie. U ich byŭ dazvoł na adstreł dzika. Adnak padčas palavańnia 40‑hadovy mužčyna, paddaŭšysia azartu, streliŭ u ryś, jakaja niečakana źjaviłasia pierad im, paviedamlaje Śledčy kamitet.
Fota: Śledčy kamitet
Ryś adnosicca da vidaŭ, jakija asabliva achoŭvajucca, i zaniesienaja ŭ Čyrvonuju knihu, tamu jaje adstreł dazvoleny tolki praz admysłovy dazvoł.
Pra svaju pamyłku palaŭničy nikomu nie paviedamiŭ i pakinuŭ tušu na miescy. Paźniej zabituju ryś u śniezie, adnak, znajšli supracoŭniki inśpiekcyi achovy žyviolnaha i raślinnaha śvietu, paśla čaho na miesca vyklikali śledčych.
Ciapier u dačynieńni da mužčyny zaviali kryminalnuju spravu za niezakonnaje palavańnie, jakoje pryčyniła škodu ŭ asabliva bujnym pamiery. Akramia taho, jamu daviadziecca kampiensavać naniesienuju pryrodzie škodu — 13,5 tysiačy rubloŭ.
Čytajcie taksama:
U Biełaviežskaj puščy fotapastka zafiksavała dvuch rysiaŭ VIDEA
Šunievič: Pieršy siezon palavańnia na rysiaŭ skončyŭsia poŭnym pravałam
Maładaja ryś trapiła ŭ kapkan u Babrujskim rajonie, potym daviałosia rabić apieracyju