Pad Pastavami za 10 tysiač dalaraŭ vystavili pa prodaž cełuju viosku
U Pastaŭskim rajonie na prodaž vystavili na prodaž cełuju viosku z kałarytnaj nazvaj Viesiałucha. Abjekt raźmieščany ŭsiaho za 6 kiłamietraŭ ad Pastaŭ, piša «Smartpres».
Vioska składajecca ŭsiaho z troch damoŭ i znachodzicca ŭ pryvatnaj ułasnaści. Ahulnaja płošča ziamielnaha ŭčastka — 2 hiektary. Na terytoryi jość ułasnaja sažałka. Heta cikavaja prapanova dla vialikaj siamji, dla stvareńnia ahrasiadziby, ahraturystyčnaha kompleksu, fiermy abo zaharadnaj rezidencyi.
Miesca vyłučajecca malaŭničym raźmiaščeńniem: vakoł les, pobač praciakaje raka. Pry hetym vioska znachodzicca nie na prajaznoj darozie, havorycca ŭ abjavie.
Z kamunikacyj jość kałodziež i elektryčnaść. Taksama paznačana, što mahčyma madernizavać padstancyju i pavialičyć mahutnaść elektrazabieśpiačeńnia da 100 kVt na ŭsiu viosku.
Košt abjekta — 9 990 dalaraŭ.
Čytajcie taksama:
U Babrujsku vystavili na aŭkcyjon ceły čatyrochpaviarchovy dom pa canie 10 kvater
Pad Minskam na miescy byłoha savieckaha pijanierłahiera źjavicca spa-hatel
Pobač z Kurhanom Słavy za miljon dołaraŭ pradajuć staruju bazu adpačynku. Što heta za abjekt?
Pad Miadziełam narešcie pradali vinzavod z 200‑hadovaj historyjaj