U Biełarusi pa tryvozie padymali ŭ pavietra źniščalnik dla źbićcia nieapaznanaha abjekta
Jak stała viadoma vydańniu «Fłahštok» ad adnaho z ukrainskich telehram-kanałaŭ, jakija zajmajucca manitorynham situacyi ŭ pavietry, dniom 18 lutaha biełaruski źniščalnik Su-30 byŭ padniaty pa tryvozie z aeradroma ŭ Baranavičach u suviazi z vyjaŭleńniem u pavietranaj prastory Biełarusi nieapaznanaha abjekta.
Ilustracyjny zdymak: Su-30 SM
Pry nabližeńni da abjekta akazałasia, što heta vialiki płastykavy pavietrany šar z padviešanym hruzam. Kala 14:30 lotčyk źbiŭ jaho. Rajon źbićcia nieviadomy.
«Fłahštok» adznačaje, što 18 lutaha ŭ rajonie abiedu nad Biełaruśsiu panavaŭ uschodni — paŭdniova-ŭschodni viecier, i na padstavie hetaha vykazvaje zdahadku, što pad ahoń mahła trapić biełaruskaja kantrabanda, pryznačanaja dla ES.
Čytajcie taksama:
Viciebskija desantniki zrabili marš-kidok da ŭkrainskaj miažy. Kudy mienavita?
Z pačatku lutaha ŭ Biełaruś zalacieli jak minimum try rasijskija drony
Minułaj nočču adna z rakiet, zapuščanych Rasijaj na Ukrainu, pralacieła nad Biełaruśsiu