U Amanie adkryjuć pasolstva Biełarusi
Rašeńnie ab adkryćci pasolstva ŭ Amanie padpisaŭ premjer-ministr Biełarusi Alaksandr Turčyn.
Alaksandr Łukašenka z sułtanam Amana Chajsamam bien Tarekam Al Saidam padčas vizitu apošniaha ŭ Minsk u kastryčniku 2025 hoda. Fota: BiełTA
Pavodle ŭradavaj pres-słužby, źjaŭleńnie dypłamatyčnaha pradstaŭnictva dapamoža aktyvizavać palityčnyja kantakty, pašyryć handlova-ekanamičnaje i inviestycyjnaje supracoŭnictva, a taksama lepš vyvučyć mahčymaści pramysłovaj kaapieracyi i sumiesnaha vychadu na novyja rynki.
Urad taksama spadziajecca, što pastajannaja prysutnaść biełaruskich dypłamataŭ u Amanie ŭmacuje pazicyi Minska ŭ hetym rehijonie i stvoryć dadatkovyja mahčymaści dla supracoŭnictva z krainami Afryki i Jemienam.
Pakul što intaresy Biełarusi ŭ Amanie pa sumiaščalnictvie pradstaŭlaje pasoł u Jehipcie Jaŭhien Sabaleŭski. 10 lutaha jon uručyŭ davierčyja hramaty sułtanu Chajsamu bien Tareku Al Saidu.
U kastryčniku 2025 hoda u Minsku pryjazdžaŭ sułtan Amana, a ŭ śniežni 2025 hoda Aman ažno dva razy naviedvaŭ Alaksandr Łukašenka. Paśla hetych vizitaŭ było zajaŭlena pra namier stvaryć sumiesny inviestycyjny fond, uźvieści ŭ Biełarusi novy celułozna-kardonny kambinat, a taksama arhanizavać u Amanie łahistyčny chab i biełaruski kurort.
Čytajcie taksama:
Łukašenka paśla Ałžyra znoŭ palacieŭ u krainu, dzie jaho doŭha nie mahli znajści
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola