U Biełaviežskaj puščy fotapastka zafiksavała dvuch rysiaŭ VIDEA
U Biełaviežskaj puščy na videa zafiksavali redkich žyvioł — rysiaŭ. Padobna na toje, što heta maci i jaje padrosłaje kaciania, paviedamlaje pres-słužba Nacyjanalnaha parka «Biełaviežskaja pušča».
Skrynšot ź videa
Supracoŭniki nacyjanalnaha parku adznačajuć, što hetaje videa — redkaje i kaštoŭnaje dla navuki.
«Na karotkim videa dobra bačnyja hracyjoznyja ruchi dźviuch dzikich katoŭ. Bujniejšaja ryś ruchajecca ŭpeŭniena, pastajanna kantralujučy situacyju. Takija pavodziny charakternyja dla maci, jakaja praciahvaje apiekavacca i navučać padrosłaje kaciania navykam vyžyvańnia ŭ lesie», — skazana ŭ paviedamleńni.
Hetyja kadry dapamahajuć vučonym lepš vyvučać žyćcio i siamiejnyja adnosiny hetych aściarožnych źviaroŭ. Śpiecyjalisty ŭpeŭnienyja: rysiam u Biełaviežskaj puščy kamfortna, tut jany mohuć nie tolki vyžyvać, ale i razmnažacca.
Ryś uklučanaja ŭ Čyrvonuju knihu Biełarusi (IV katehoryja), choć na jaje ciapier i dazvolili abmiežavanaje palavańnie. Materyjały z fotapastak dapamahajuć sačyć za stanam vidu ŭ krainie.
Čytajcie taksama:
Šunievič: Pieršy siezon palavańnia na rysiaŭ skončyŭsia poŭnym pravałam
U Kličavie prosta pa vulicy horada špacyravała ryś VIDEA
Arhanizacyja, jakoj kiruje Šunievič, pachvaliłasia čarhovym zabojstvam — čyrvanaknižnaj rysi
Ispanski fatohraf zrabiŭ pieršaje ŭ śviecie FOTA biełaj pireniejskaj rysi
U lesie pamiž Iviancom i Rakavam turysty sustreli ryś z rysianiatami VIDEA