Samuju darahuju kvateru ŭ studzieni pradali ŭ domie, jaki časta błytajuć z ofisnym budynkam
Žyły dom kala parku Čaluskincaŭ u Minsku časta prymajuć za ofisny budynak, ale mienavita tut u studzieni pradali samuju darahuju kvateru ŭ Biełarusi. Žyllo abyšłosia pakupniku ŭ 710 tysiač dalaraŭ, piša Realt.by.
Dom znachodzicca na praśpiekcie Niezaležnaści, 95A i byŭ uźviedzieny ŭ 2009 hodzie. Heta 11‑paviarchovy elitny budynak, u jakim usiaho 46 kvater. Na cokalnym paviersie raźmieščany parkinh, a na pieršych pavierchach — kamiercyjnyja pamiaškańni.
U domie jość 12 dvuchuzroŭnievych kvater i dva pientchaŭsy. Płaniroŭki roznyja: ad niekalkich pakojaŭ da vielmi prastornych varyjantaŭ, u tym liku z vaśmiu pakojami.
Samaja darahaja kvatera studzienia — piacipakajovaja, płoščaj 173 kvadratnyja mietry. Košt adnaho «kvadrata» skłaŭ kala 4100 dołaraŭ.
Čytajcie taksama:
Samy darahi dom u studzieni kupili ŭ minskaj Zacani
Kadastravaje ahienctva paviedamiła pra «histaryčnuju ździełku ź nieruchomaściu»