Na Alimpijadzie izalavali žanočuju zbornuju pa chakiei
Pres-słužba Fiederacyi chakieja Šviejcaryi paviedamiła, što paśla vyjaŭleńnia stanoŭčaha vyniku testu na naravirus u adnoj z chakieistak usia žanočaja zbornaja była izalavanaja.
Fota: Maja Hitij/Getty Images
6 lutaha šviejcarki pieramahli kamandu Čechii ź likam 4:3 u sieryi bulitaŭ u pieršym hrupavym matčy. Paśla hulni kamanda prapuściła cyrymoniju adkryćcia Alimpijskich hulniaŭ u Italii, piša Championat.com.
«Stanoŭčy vynik testu na naravirus byŭ atrymany tolki paśla matču z Čechijaj i niezadoŭha da adkryćcia Hulniaŭ. Chvoraja spartsmienka z momantu prybyćcia ŭ Alimpijskuju viosku znachodziłasia ŭ asobnym pakoi i była izalavanaja z momantu źjaŭleńnia simptomaŭ. Z ranicy piatnicy prykmiety chvaroby ŭ jaje adsutničajuć. U jakaści miery zaściarohi na karancin była źmieščanaja ŭsia kamanda. U nivodnaj inšaj chakieistki simptomaŭ nie vyjaŭlena», — adznačyli ŭ Fiederacyi.
Nastupny matč šviejcarskaja kamanda pavinna pravieści siońnia, 7 lutaha, suprać zbornaj Kanady.
Raniej vypadak zaražeńnia hetym virusam byŭ vyjaŭleny ŭ žanočaj zbornaj Finlandyi.