Siońnia na Alimpijadzie buduć razyhranyja pieršyja miedali. Biełaruski voźmuć udzieł u dvuch spabornictvach
Pieršyja ŭznaharody buduć razyhranyja ŭ hornych łyžach.
Fota: Maja Hitij/Getty Images
A 13:30 pa minskim časie projdzie chutkasny spusk u mužčyn.
A 15‑j hadzinie pačnucca spabornictvy ŭ łyžnym skijatłonie ŭ žančyn, u jakich paŭdzielničaje biełaruska Hanna Karalova.
Skijatłon — heta dva vidy spabornictvaŭ: 10 km biehu na łyžach kłasičnym stylem i 10 km kańkovym chodam.
A 18‑j adbudziecca zajezd na 3000 m na kańkach u žančyn. Tam Biełaruś pradstaŭlaje Maryna Zujeva.
Taksama siońnia buduć razyhranyja miedali ŭ skačkach na łyžach z tramplina ŭ žančyn (22:00) i snaŭbordzie (dyscyplina bih-ejr u mužčyn, 21:30). Biełarusaŭ tam niama.
U niadzielu buduć razyhranyja vosiem kamplektaŭ uznaharod, u tym liku ŭ źmiašanaj estafiecie ŭ bijatłonie. Usio bieź biełarusaŭ.
Nastupny ŭdzieł biełarusak tolki ŭ aŭtorak. Hanna Karalova paŭdzielničaje ŭ łyžnym spryncie kłasičnym stylem.
Usiaho na Alimpijadzie-2026 buduć razyhranyja 116 kamplektaŭ uznaharod u vaśmi vidach sportu.
Biełarusaŭ udzielničaje ŭsiaho siem čałaviek: Hanna Karalova (łyžy), Maryna Zujeva (kańki), Maryja Škanava (hornyja łyžy), Viktoryja Safonava (fihurnaje katańnie), Hanna Huśkova, Hanna Dziaruha, Anastasija Andryjanava (frystajł).
Čytajcie taksama:
U Italii adkryli zimovyja Alimpijskija hulni FOTY
Dzie biełarusam hladzieć Alimpijadu, bo nie ŭsio tak dobra
Džej Dzi Vens prylacieŭ na Alimpijadu ŭ Miłan z fłotam z 14 samalotaŭ i kartežam z 100 aŭtamabilaŭ