Biełhidramiet papiaredziŭ pra mahčymaść vialikaj viasnovaj pavodki

Pa słovach śpiecyjalistaŭ, niebiaśpieka pavodki źviazanaja ź vialikaj kolkaściu śniehu, intensiŭnym rastavańniem śniehu i bolšaj, čym zvyčajna, kolkaściu apadkaŭ u studzieni. 

Ledastaŭ na rekach utvaryŭsia zvyčajnaj taŭščyni abo krychu mienšaj, vodnaść bolšaści rek — u miežach siezonnaj normy, akramia Niomana i Prypiaci, dzie vada krychu nižejšaja za zvyčajny ŭzrovień.

Uviesnu vada, vierahodna, vyjdzie na pojmy praktyčna paŭsiudna, a ŭ niekatorych miescach uzrovień moža nablizicca da niebiaśpiečnaha, što stvaraje ryzyku zatapleńnia prybiarežnych terytoryj. Mahčymaje taksama ŭtvareńnie ledavych zatoraŭ na vuzkich učastkach rek.

Dalejšaja situacyja budzie zaležać ad nadvorja: mocnyja apadki mohuć uzmacnić raźlivy, a čarhavańnie adlih udzień i marazoŭ nočču ci niedachop apadkaŭ — źmienšyć ich.

Kamientary da artykuła