Sučasnyja ciahniki ź Minska ŭ Viciebsk i Mahiloŭ mianiajuć na staryja
Biełaruskaja čyhunka paviedamiła, što z 3 lutaha častka rejsaŭ pamiž Minskam i Viciebskam, a taksama pamiž Minskam i Mahilovam budzie vykonvacca nie sučasnymi dyziel-ciahnikami DP-3 i DP-6 polskaj vytvorčaści, a zvyčajnymi ciahnikami z vahonaŭ łakamatyŭnaj ciahi.
Ilustracyjnaje fota z sajta prafsajuza rabotnikaŭ transpartu
U viciebskim napramku zamiena zakranie asobnyja ciahniki ŭžo 3 i 4 lutaha. A z 5 lutaha ŭsie rejsy z numarami 703/704, 711/712 i 713/714 całkam piarojduć na tradycyjnyja ciahniki z łakamatyvam.
Na mahiloŭskim kirunku z 3 da 5 lutaha «z techničnych pryčyn» na staryja ciahniki pieraviaduć mižrehijanalnyja biznes-kłasa Minsk — Mahiloŭ — Minsk.
Pryčyny i terminy takoj zamieny na Biełaruskaj čyhuncy nie ŭdakładniajuć. Pry hetym pasažyram, jakija zahadzia nabyli bilety na bolš kamfortnyja ciahniki, abiacajuć viarnuć roźnicu ŭ košcie. Taksama papiaredžvajuć, što z-za źmieny sastavaŭ mahčymyja adchileńni ad zvyčajnaha raskładu ruchu.
Raniej Biełaruskaja čyhunka ŭžo mianiała sučasnyja ciahniki na zvyčajnyja elektryčki ŭ inšych napramkach z-za nieabchodnaści ramontu nizkapadłohavych ciahnikoŭ Stadler.
Čytajcie taksama:
U Minsk znoŭ viartajucca haradskija elektryčki
Načny ciahnik ź Viciebska spaźniŭsia — pasažyraŭ u stalicy zasialili ŭ hatel
Za nastupnuju piacihodku ŭ Biełarusi płanujuć abnavić čyhunačny transpart i račny fłot