Usim inšaziemcam, jakija ŭjazdžajuć u Biełaruś, buduć adkatvać palcy

U Biełarusi ŭviali abaviazkovuju daktyłaskapiju (uziaćcie adbitkaŭ palcaŭ) dla ŭsich inšaziemcaŭ i asob biez hramadzianstva, jakija prachodziać pamiežny kantrol, a taksama dla tych, chto padlahaje departacyi, vysyłcy abo pieradačy inšaj dziaržavie pa mižnarodnych damovach ab readmisii. Adpaviedny zakon padpisaŭ Alaksandr Łukašenka.

Fota ilustracyjnaje

Akramia taho, adbitki palcaŭ pavinny zdavać ludzi, u jakich u Biełarusi zabaronieny ci nie pažadany ŭjezd, a taksama asoby, adnosna jakich pamiežniki pryniali rašeńnie ab daktyłaskapii ŭ intaresach nacyjanalnaj biaśpieki.

Pravam na atrymańnie i vykarystańnie daktyłaskapičnaj infarmacyi vałodajuć orhany kryminalnaha pieraśledu, sudy, unutranyja orhany, pamiežnaja słužba i inšyja struktury, što zajmajucca apieratyŭna-vyšukovaj dziejnaściu.

Pres-słužba Alaksandra Łukašenki adznačaje, što zakon nakiravany na pavyšeńnie efiektyŭnaści daktyłaskapii i svoječasovaje vyjaŭleńnie pahroz nacyjanalnaj biaśpiecy, a taksama na niejtralizacyju ich krynic jak unutry krainy, tak i za jaje miežami.

Kamientary da artykuła