U Lvovie raźvitalisia z Alaksiejem Łazaravym FOTY
Pachavańnie 27‑hadovaha biełaruskaha dobraachvotnika va Ukrainie Alaksieja Łazarava, pra hibiel jakoha stała viadoma 21 studzienia, adznačyŭ na svajoj staroncy ŭ fejsbuku mer Lvova Andrej Sadavy. Taksama jon apublikavaŭ niekalki fota z cyrymonii raźvitańnia ŭ centry horada.
Fota: facebook.com/andriy.sadovyi
«Alaksiej Łazaraŭ naradziŭsia ŭ Minsku, ale svoj dom znajšoŭ u Lvovie. Praz svaje pierakanańni pakinuŭ Biełaruś i ź pieršych dzion poŭnamaštabnaj vajny staŭ na abaronu Ukrainy.
Jon abaraniaŭ Kijeŭ, vajavaŭ na poŭdni i ŭschodzie, słužyŭ u pałku imia Kastusia Kalinoŭskaha, a zatym — u 225‑m asobnym šturmavym bataljonie.
Alaksiej vajavaŭ nie za pašpart, a za svabodu i kaštoŭnaści, u jakija vieryŭ», — napisaŭ Andrej Sadavy.
Fota: facebook.com/andriy.sadovyi
Fota: facebook.com/andriy.sadovyi
Fota: facebook.com/andriy.sadovyi
Alaksiej Łazaraŭ byŭ inžynieram-prahramistam, vypusknikom BDU. U 2019 hodzie bałatavaŭsia ŭ deputaty i ŭdzielničaŭ u hramadzianskich inicyjatyvach, a paśla pratestaŭ 2020‑ha vymušana źjechaŭ ź Biełarusi.
Z pačatkam poŭnamaštabnaj vajny jon pajšoŭ na front va Ukrainie, spačatku ŭ biełaruskuju rotu, ź jakoj vyras Połk Kalinoŭskaha, paźniej słužyŭ u 225‑m šturmavym pałku, zajmaŭsia dronami. Udzielničaŭ u abaronie Kijeva i bajach na ŭschodzie dy poŭdni krainy.
Alaksiej zahinuŭ 19 studzienia va ŭzroście 27 hadoŭ.
Čytajcie taksama:
Zahinuŭ biełaruski dobraachvotnik Alaksiej Łazaraŭ
Što viadoma pra 27‑hadovaha zahinułaha dobraachvotnika Alaksieja Łazarava