Biełaruskim taekvandystam dazvolili vystupać pad čyrvona-zialonym ściaham
Taekvandystam ź Biełarusi i Rasii dazvolili vystupać na mižnarodnych spabornictvach pad dziaržaŭnymi ściahami svaich krain. Takoje rašeńnie pryniała rada Suśvietnaj fiederacyi taekvando (WTF) 31 studzienia na pasiadžeńni ŭ Fudžajry (AAE).
Fota ilustracyjnaje
Raniej biełaruskim i rasijskim spartsmienam było zabaroniena vystupać pad dziaržaŭnymi ściahami, ale ciapier heta abmiežavańnie źniali, spasyłajučysia na rašeńnie Mižnarodnaha alimpijskaha kamiteta (MAK), jaki dazvoliŭ atletam z hetych krain pradstaŭlać svaje krainy na Junackich Alimpijskich hulniach u sieniehalskim Dakary ŭ 2026 hodzie.
Inšyja abmiežavańni pakul što zastajucca ŭ sile: mižnarodnyja spabornictvy pa-raniejšamu nie mohuć pravodzicca na terytoryi Rasii, a dziaržaŭnym słužboŭcam z Rasii i Biełarusi nie vydajecca akredytacyja.
Čytajcie taksama:
Na Zimovaj Alimpijadzie vystupić rekordna nizkaja kolkaść rasijan
Maładym biełaruskim ciažkaatletam dazvolili vystupać pad čyrvona-zialonym ściaham
U Łatvii padčas vystupleńnia biełaruskich spartsmienaŭ na Alimpijadzie buduć uklučać rekłamu