Alaksandra Subocina viernuć na raniejšuju pracu
Vice-premjerka Natalla Piatkievič pa vynikach pasiadžeńnia Rady Jeŭrazijskaj ekanamičnaj kamisii (JEEK) u Maskvie paviedamiła, što były staršynia Viciebskaha abłvykankama Alaksandr Subocin, jakoha Łukašenka niadaŭna adpraviŭ u adstaŭku, budzie novym biełaruskim ministram pa techničnym rehulavańni JEEK.
Alaksandr Subocin
Pracedura pryznačeńnia, jak paviedamiła Piatkievič, prachodzić praź niekalki stupieniaŭ i była zapuščana padčas siońniašniaha pasiadžeńnia, na jakim prapanovu Biełarusi padtrymali.
Alaksandr Subocin užo zajmaŭ pasadu ministra pa pramysłovaści i APK u JEEK ź vieraśnia 2018‑ha pa studzień 2020 hoda. U sakaviku 2020‑ha jon byŭ pryznačany pamočnikam Łukašenki pa Mahiloŭskaj vobłaści, u lipieni taho ž samaha hoda staŭ vice-premjeram, a z 13 śniežnia 2021‑ha pa 15 śniežnia 2025‑ha kiravaŭ Viciebskaj vobłaściu. Ciapier ža, prajšoŭšy hety kruh karjernaha rostu, jon viarnuŭsia dakładna ŭ toj ža samy punkt, u jakim byŭ šeść hadoŭ tamu.
Na pasadzie staršyni Viciebskaha abłvykankama Subocina źmianiŭ raniejšy pasoł Biełarusi ŭ Rasii Alaksandr Rahožnik.
Čytajcie taksama:
Pryznačany novy kiraŭnik Viciebščyny
Łukašenka pra čynoŭnikaŭ: Pabudzie niedzie ŭ miescach nie tak addalenych — załaty čałaviek
Na naradzie ŭ Łukašenki publična pasvarylisia čynoŭniki. Jon nie viedaŭ, kaho padtrymać