Na źmienu cykłonu «Leoni» pryjdzie antycykłon «Daniel»

Na Biełaruś nasoŭvajecca skandynaŭski antycykłon «Daniel», jaki pryniasie mocnyja marazy i arktyčnaje pavietra, paviedamlaje Biełhidramiet. Jon zamianić cykłon «Leoni», jaki davaŭ karotkuju adlihu i nievialikuju porcyju ciapła z Paŭdniovaj Jeŭropy.

Zdymak ilustracyjny. Fota z sacsietak

Antycykłon «Daniel» vyciśnie vobłačnyja pali cykłonu za miežy krainy i adkryje šlach arktyčnamu pavietru. U vyniku apadki buduć pastupova spyniacca, a marazy ŭzmacniacca.

Pa prahnozach na asobnyja dni:

• 30 studzienia (piatnica): nočču ŭ niekatorych paŭdniovych rajonach mahčymy nievialiki śnieh, pa ŭsioj krainie zachoŭvajecca hałalod; nočču -6° na poŭdni da -22° na poŭnačy, udzień -9…-15°, na poŭdni -6…-8°.
• 31 studzienia — 1 lutaha: antycykłon umacoŭvajecca, budzie pieravažna biez apadkaŭ, na poŭnačy mahčymyja tuman i šerań; nočču -15…-26° (1 lutaha miescami da -31°), udzień -10…-20°.
• 1—4 lutaha: anamalnyja marazy praciahnucca, nočču -16…-29°, miescami da -32°; mahčymyja hałalod i tuman.

Prahnozy servisaŭ «Jandeks» i Gismeteo.by taksama pakazvajuć, što apošnija dni studzienia i pačatak lutaha buduć vielmi maroznymi. Aranžavy ŭzrovień niebiaśpieki zachoŭvajecca z-za składanych hidramietearałahičnych umoŭ.

Kamientary da artykuła