Novy pakiet sankcyj suprać Rasii zaćvierdziać u hadavinu pačatku vajny
Novy, 20‑y pakiet sankcyj Jeŭrasajuza suprać Rasii płanujuć zaćvierdzić 24 lutaha. Pra heta paviedamiła vysokaja pradstaŭnica ES pa źniešniaj palitycy i biaśpiecy Kaja Kałłas paśla pasiadžeńnia Savieta ES pa zamiežnych spravach 29 studzienia, piša «Jeŭrapiejskaja praŭda».
Zdymak ilustracyjny. Fota: Thierry Monasse/Getty Images
Kaja Kałas adznačyła, što dziaržavy ‑— členy ES prapanujuć roznyja miery, siarod jakich poŭnaja zabarona na marskija pasłuhi, a taksama sankcyi ŭ śfiery enierhietyki i minieralnych uhnajeńniaŭ. Pry hetym pakul niama kansensusu nakont kančatkovaha źmiestu pakieta.
«Ja nie mahu skazać, što ŭ nas jość zhoda ciapier, inakš my b užo abviaścili, što ŭ nas jość zhoda. Ale siońnia ŭ nas było šmat razmoŭ (pra heta) — i ciapier my praciahvajem pracavać nad hetym», — zajaviła jeŭračynoŭnica.
Na nastupnym tydni Jeŭrakamisija pavinna apublikavać prapanovu pa novym pakiecie sankcyj. Viadomyja płany Francyi zrabić jaho asabliva žorstkim u adnosinach da rasijskaha «cieniavoha fłotu».
Taksama paviedamlajecca, što hrupa jeŭrakamisaraŭ, u skład jakoj uklučana jeŭrakamisarka pa pytańniach pašyreńnia ES Marta Kos, naviedaje Kijeŭ da hadaviny poŭnamaštabnaha ŭvarvańnia Rasii va Ukrainu ŭ lutym.
Čytajcie taksama:
Premjer Litvy: Tema adnaŭleńnia tranzitu biełaruskich uhnajeńniaŭ štučna nahniatajecca
Praz sankcyi Maryja Kaleśnikava nie moža razbłakavać svoj niamiecki rachunak
Cieniavy fłot Pucina pad pahrozaj — 14 krain Jeŭropy chočuć zabłakavać jaho ŭ Bałtyjskim mory