Varažbitka sa Stoŭbcaŭ abduryła ludziej na 80 tysiač rubloŭ
U milicyju źviarnulisia dva čałavieki, jakija stali achviarami internet-machlarstva. Razam jany pieraličyli varažbitcy kala 80 tysiač rubloŭ.
Zdymak ilustracyjny. Fota: freepik.com
46‑hadovaja žycharka Minska paviedamiła, što ŭ žniŭni minułaha hoda, pieražyvajučy ciažkaści ŭ siamiejnym žyćci, źviarnułasia da varažbitki — 37‑hadovaj žycharki Stoŭbcaŭ. Paśla raskładvańnia kartaŭ Taro taja zajaviła pra «surjoznyja prablemy» i prapanavała źniać psotu z dapamohaj płatnych abradaŭ. Žančyna pahadziłasia i pieraličyła na nazvany rachunak 37 tysiač rubloŭ, u tym liku i kredytnyja hrošy. Padman praciahvaŭsia da śniežnia 2025 hoda.
Padobnym čynam u toj ža pieryjad paciarpieŭ i 53‑hadovy žychar Staŭbcoŭskaha rajona, jaki znajšoŭ abjavu pra «źniaćcie psoty». Varažbitka paprasiła jaho dasłać fota tvaru, dałoni i zapiaścia. Pad jaje ŭpłyvam mužčyna ŭ ahulnym liku pieraličyŭ za «pasłuhi» 42 tysiačy rubloŭ.
Supracoŭniki padraździaleńnia pa baraćbie z kibierzłačynnaściu Minskaj vobłaści ŭstanavili asobu padazravanaj i zatrymali jaje. Atrymanyja hrošy žančyna patraciła na asabistyja patreby i prajhrała ŭ anłajn-kazino.
Śledčyja raspačali suprać žančyny kryminalnuju spravu za machlarstva ŭ asabliva bujnym pamiery. Złamyśnicy pahražaje da 12 hadoŭ pazbaŭleńnia voli.
Čytajcie taksama:
Minčanka pradała kvateru i pieradała machlaram $63 000
U Minsku zatrymali 21‑hadovaha kurjera telefonnych machlaroŭ
19‑hadovy minčuk schavaŭ dla machlaroŭ pad jełkaj u parku hrošy i prysypaŭ śnieham
11‑hadovy školnik vynies machlaram chatni siejf z hrašyma i kaštoŭnaściami