Vilenski aeraport znoŭ zakryli praz šary ź Biełarusi

Nacyjanalny centr kiravańnia kryzisami Litvy paviedamiŭ, što praz zafiksavanyja ŭ niebiaśpiečnaj zonie navihacyjnyja adznaki, charakternyja dla pavietranych šaroŭ, pavietranaja prastora nad Vilenskim aeraportam abmiežavanaja da 20:05 pa litoŭskim časie (21:05 pa biełaruskim).

Fota ilustracyjnaje

«Słužby nazirajuć i analizujuć ruch navihacyjnych adznak i, pry najaŭnaści mahčymaści, mohuć pryniać rašeńnie ab adkryćci pavietranaj prastory raniej. Kali tolki heta budzie biaśpiečna. Prosim pasažyraŭ sačyć za infarmacyjaj aeraporta i svaich avijapieravozčykaŭ», — paviedamiŭ Nacyjanalny centr kiravańnia kryzisami.

Pavietranaja prastora abmiežavanaja z 19:05 pa litoŭskim časie (20:05 pa biełaruskim).

Apošni raz pierad tym Vilenski aeraport zakryvaŭsia praz šary ź Biełarusi amal dva miesiacy tamu, 6 śniežnia 2025 hoda.

Kamientary da artykuła