U Minieapalisie supracoŭniki imihracyjnaj słužby ZŠA znoŭ zabili čałavieka pry zatrymańni
Pa infarmacyi Associated Press, u Minieapalisie supracoŭniki imihracyjnaj słužby (ICE) ZŠA spačatku pavalili na ziamlu mužčynu, niekalki razoŭ udaryŭšy jaho, a zatym adkryli pa im ahoń.
Skrynšot ź videa
Paviedamlajecca, što vidavočcy čuli nie mienš za piać strełaŭ. Mužčynu dastavili ŭ balnicu, dzie jon paźniej pamior, skazaŭ kiraŭnik palicyi horada.
Supracoŭniki śćviardžajuć, što zatrymany byŭ uzbrojeny i akazvaŭ supraciŭ, ale dakładnyja abstaviny zatrymańnia ŭsio jašče vyśviatlajucca, paviedamlaje CNN.
Hety incydent adbyŭsia mienš čym praz try tydni paśla inšaha hučnaha vypadku: 7 studzienia ahient ICE u Minieapalisie zastreliŭ 37‑hadovuju miascovuju žycharku Rene Hud padčas žorstkaj imihracyjnaj apieracyi, što vyklikała šyrokija pratesty i šyroki rezanans.
Hubiernatar štata Miniesota Cim Uołz u sacyjalnych sietkach nazvaŭ novuju stralbu «jašče adnoj žudasnaj» i zaklikaŭ prezidenta ZŠA Donalda Trampa prypynić apieracyju i vyvieści «tysiačy žorstkich, niepadrychtavanych aficeraŭ» ź Miniesoty.
Za dzień da taho ŭ Minieapalisie prajšli vialikija pratesty suprać dziejnaści ICE. Dziasiatki tysiač ludziej vyjšli na vulicy, niahledziačy na mocnyja marazy, kab piarečyć palitycy imihracyjnaha kantrolu.
Čytajcie taksama:
U Portlendzie ahienty pamiežnaj słužby ZŠA paranili dvuch čałaviek
Supracoŭnik imihracyjnaj słužby ZŠA zastreliŭ žančynu ŭ Minieapalisie
U bazu «horšych z najhoršych» złačyncaŭ ZŠA ŭnieśli dvuch hramadzian Biełarusi. Adna ź ich — žančyna