Ukraina moža ŭvajści ŭ Radu miru tolki paśla zakančeńnia vajny
Prezident Ukrainy Uładzimir Zialenski padčas kamunikacyi z žurnalistami na palach Suśvietnaha ekanamičnaha forumu ŭ Davosie prakamientavaŭ mahčymaść udziełu jahonaj krainy ŭ stvoranaj prezidentam ZŠA Donaldam Trampam Radzie miru.
Uładzimir Zialenski ŭ Davosie. Fota: Chip Somodevilla/Getty Images
Zialenski paćvierdziŭ, što Ukraina atrymała zaprašeńnie ŭ Radu miru, i adznačyŭ, što heta ŭžo praduhledžana ŭ «płanie z 20 punktaŭ», raspracavanym na asnovie pieršapačatkovaha amierykanskaha «mirnaha płana». Hety orhan prapanoŭvaŭsia ZŠA dla ŭdziełu ŭ manitorynhu spynieńnia ahniu.
Prezident Ukrainy pryznaŭ, što dakładnych namieraŭ Trampa nakont taho, chto mienavita budzie zaprošany ŭ Radu miru, jon nie viedaje. Ale dla Ukrainy jasna, što dla jaje ŭdzieł u hetaj arhanizacyi mahčymy tolki paśla zakančeńnia vajny. Dahetul Ukraina nie moža sieści za adzin stoł razam z Rasijaj i jaje sajuźnicaj Biełaruśsiu.
22 studzienia ŭ Davosie adbyłosia aficyjnaje zasnavańnie Rady miru, ale ŭ jaje pakul nie ŭstupiŭ nivodzin tradycyjny zachodniejeŭrapiejski sajuźnik ZŠA.
Čytajcie taksama:
Bieły dom uklučyŭ u skład Rady miru zamiest Biełarusi Bielhiju
Tramp padpisaŭ statut Rady miru
Orban — pakul adziny ź lidaraŭ u ES, chto pahadziŭsia na členstva ŭ Radzie miru Trampa
U AAN adkazali, ci ŭschvalavanyja tam źjaŭleńniem Rady miru Trampa jak kankurenta arhanizacyi
Pucin prapanavaŭ uziać miljard za členstva Rasii ŭ Radzie miru z zamarožanych aktyvaŭ