Iardanija abnaviła praviły ŭjezdu dla turystaŭ. Jany tyčacca i biełarusaŭ

Iardanija istotna źmiakčyła vizavyja ŭmovy: ciapier zamiežnyja turysty zmohuć znachodzicca ŭ hetaj krainie nie adzin miesiac, jak raniej, a da troch. Heta tyčycca ŭsich, chto pryjazdžaje z turystyčnaj metaj, u tym liku tych, chto afarmlaje elektronnuju vizu abo atrymlivaje vizu niepasredna pa prylocie. Vyklučeńnie zroblena tolki dla ŭładalnikaŭ pracoŭnych viz.

Miortvaje mora ŭ Iardanii. Zdymak ilustracyjny

Ułady hetaj krainy raźličvajuć, što pavieličeńnie terminu znachodžańnia pryciahnie bolš haściej i daść šturšok raźvićciu turyzmu, a taksama miedyka-azdaraŭlenčaha kirunku, źviazanaha z unikalnymi resursami Miortvaha mora.

Biełaruskich turystaŭ hetaja navina taksama tyčycca, bo i jany mohuć afarmlać vizu pa prylocie. Akramia taho, z 10 sakavika avijakampanija «Biełavija» adnaŭlaje čartarnyja rejsy ŭ kurortnuju Akabu. Samaloty ź Minska buduć lotać raz na 11 dzion, daroha zojmie kala šaści hadzin. Paloty płanujucca da kanca maja.

Kamientary da artykuła