Jeŭraparłamient prypyniŭ pracu nad zaćviardžeńniem handlovaj damovy pamiž ES i ZŠA

Takoje rašeńnie było pryniata z-za apošnich pahroz Donalda Trampa ŭvieści myty suprać niekalkich jeŭrapiejskich krain praź ich pazicyju adnosna Hrenłandyi.

Fota: Thierry Monasse/Getty Images

Kiraŭnik handlovaha kamiteta Jeŭraparłamienta Biernd Łanhie zajaviŭ, što damova ES—ZŠA ciapier znachodzicca na «paŭzie da dalejšych paviedamleńniaŭ», a praca kamiteta pa jurydyčnaj implemientacyi damovy prypynienaja. Jon padkreśliŭ, što na konie staić suvierenitet i terytaryjalnaja cełasnaść ES, tamu «biznes jak zaŭsiody» ciapier niemahčymy.

Rašeńnie było padtrymana lidarami hałoŭnych frakcyj Jeŭraparłamienta, jakija adznačyli nieabchodnaść spynić praces praz pahrozy Trampa ŭvieści myty dla Jeŭropy, u tym liku dla Francyi na šampanskaje, kali taja admovicca ad udziełu ŭ stvoranaj im Radzie miru.

Raniej, 27 lipienia 2025 hoda, ES i ZŠA abviaścili pra zaklučeńnie ramkavaj handlovaj damovy z mytami na jeŭrapiejski impart u ZŠA na ŭzroŭni 15 %, choć raniej Tramp pahražaŭ mytami da 30 %, a ES spadziavaŭsia zachavać asnoŭny ŭzrovień na 10 %.

Kamientary da artykuła