Žychar Kalinkavičaŭ ažyŭlaje lehiendy savieckaha aŭtaprama i skaraje TikTok

U Kalinkavičach žyvie sapraŭdny čaraŭnik Stanisłaŭ Bičan, jaki pieratvaraje ržavaje žaleza ŭ bliskučyja retra-šedeŭry. Luboŭ da techniki ŭ jaho ź dziacinstva, užo ŭ vośmym kłasie jon sam sabraŭ bahi z zapčastak staroj «invalidki», pišuć «Mocnyja naviny».

Skrynšot ź videa

Siońnia Stanisłaŭ — majstar restaŭracyi. Za jaho plačyma — lehiendarnaja «Pobieda» 1952 hoda, adnoŭlenaja z nula, niekalki «Vołhaŭ», «Maskvičy» i navat matacykły.

Mužčyna raskazvaje, što raźbiraje techniku da apošniaj šrubki, a paśla prystupaje da pošuku detalaŭ, jakija adsutničajuć. Šukaje aŭtentyčnyja, kab jak z zavoda. Na paliroŭku, chramavańnie i pošuk zapčastak časam iduć hady, ale vynik taho varty — na jahonyja ekspanaty prychodziać pahladzieć navat cełymi školnymi kłasami, a hatovyja ekzemplary jon prapanuje da prodažu kalekcyjanieram.

Darečy, majstar nie chavaje svaje tajamnicy ŭ haražy. Paŭhoda tamu jon pačaŭ vieści staronku ŭ TikTok, dzie pakazvaje ŭvieś praces restaŭracyi. Za hety čas na jaho padpisałasia ŭžo bolš za 40 tysiač čałaviek.

Kamientary da artykuła