U Biełarusi istotna pavialičać kolkaść stancyj dla zaradki elektrakaraŭ
Jak paviedamili ŭ «Biełarusnafcie», užo sioleta pa ŭsioj krainie źjaviacca bolš za 300 novych zaradnych abjektaŭ. Kala 200 ź ich buduć ultrachutkimi i pačnuć pracavać u Breście, Viciebsku, Mahilovie, a taksama ŭzdoŭž asnoŭnych aŭtatras M1, M5 i M6.
Fota ilustracyjnaje
Pavodle najaŭnych płanaŭ, da kanca 2026 hoda sietka elektrazaradnych stancyj dziaržaŭnaha apieratara «Biełarusnafta» budzie naličvać nie mienš za 1300 punktaŭ. Ciapier ich dziejničaje 975. Letaś pradpryjemstva «Biełarusnafta-Pramservis» asvoiła vypusk ajčynnych zaradnych stancyj.
Z ulikam taho, što bolšaść elektramabilaŭ ciapier pastupaje ŭ Biełaruś z Kitaja, užo najaŭnyja stancyi byli abstalavanyja raźjomami kitajskaha standartu GB/T. Ciapier ža novyja abjekty adrazu kamplektujucca jak jeŭrapiejskimi kaniektarami CCS, tak i kitajskimi.
Usiaho na siońnia ŭ Biełarusi pracuje kala dźviuch tysiač hramadskich elektrazaradnych stancyj.
Raniej taksama stała viadoma, što ŭłady praciahnuli dziejańnie nulavoj mytnaj pošliny na elektramabili, a kvota na ich uvoz składaje 20 tysiač mašyn.
Čytajcie taksama:
Kitajskaja kampanija BYD abahnała Tesla i stała najbujniejšym u śviecie pradaŭcom elektramabilaŭ
Kitaj choča stać technałahičnym lidaram śvietu — ale prablemy ŭ ekanomicy tolki rastuć
Ekśpierty papiaredžvajuć pra niebiaśpieku kitajskich aŭto
Amal 20% sioletniaha aŭtamabilnaha impartu skłali elektramabili i hibrydy
«Poŭny farš, a cana jak u pustoj Tesla». Čym (nie) zadavolenyja ŭładalniki kitajskich elektramabilaŭ