Pošuki turystki ź Biełarusi ŭ Murmanskaj vobłaści prypynili
Abśledavana 229 km bierahavoj linii.
Ajsfłoatynh, ilustracyjnaje fota
U rasijskim Zapalarji ratavalniki prypynili pošuki turystki ź Biełarusi, jakaja źnikła padčas ekstremalnaha vodnaha spłavu 1 studzienia, piša 51.ru.
«Z 1 da 11 studzienia pravodzilisia pošukava-vyratavalnyja raboty, u chodzie jakich było abśledavana 229 km bierahavoj linii (ź ich 169 km — pieššu, 60 km — z borta viertalota Mi-8 MNS Rasii)», — udakładnili ŭ MNS Murmanskaj vobłaści.
Pošuki byli prypynienyja ŭ suviazi z tym, što raboty, jakija pravodzilisia va ŭmovach nizkich tempieratur, uskładnialisia ledzianoj abstanoŭkaj, hustym tumanam i nizkaj bačnaściu i nie dali vynikaŭ. Było pryniata rašeńnie prypynić ich da palapšeńnia ŭmoŭ dla pošuku.
Havorka idzie pra žančynu 1968 hoda naradžeńnia, jakuju viečaram 1 studzienia źniesła ciačeńniem u rajonie raki Tułomy niepadalok ad Koły. Ratavalnyja padraździaleńni pačali pracu adrazu ŭ dzień zdareńnia, adnak na praciahu pieršych niekalkich sutak, da 5 studzienia, abśledavańnie viałosia vyklučna ź bieraha. Vykarystać viertalot adrazu nie ŭdałosia: u MNS tłumačyli zatrymku składanymi mietearałahičnymi ŭmovami, niespryjalnymi dla palotaŭ.
Arhanizatar ajsfłoatynhu, padčas jakoha adbyłasia trahiedyja, staŭ fihurantam kryminalnaj spravy.