U kvaterach Minska ŭ čakańni pachaładańnia ŭzmocniać aciapleńnie
Sinoptyki prahnazujuć tempieraturu da −25 ℃ marozu, tamu «Minskija ciepłavyja sietki» pieravodziać sistemu ciepłazabieśpiačeńnia stalicy na ŭzmocnieny režym pracy, paviedamili ŭ «Minskenierha».
Zdymak ilustracyjny. Fota: «Naša Niva»
Dla stabilnaha aciapleńnia ŭ damach u mahistralnych trubapravodach pavialičać tempieraturu vady da 90—100 ℃. Pry hetym tempieratura batarej u kvaterach rehulujecca aŭtamatykaj ciepłavych punktaŭ abo piersanałam ŽES u adpaviednaści z prajektnymi normami budynka.
Zhodna sa standartami, tempieratura pavietra ŭ žyłych pamiaškańniach pavinna padtrymlivacca ŭ miežach +18—24 ℃. Zajaŭlajecca, što śpiecyjalisty «Minskich ciepłavych sietak» sačyć za nadvorjem kruhłasutačna, kab apieratyŭna karektavać pracu i padtrymlivać kamfortnuju tempieraturu dla žycharoŭ.
Čytajcie taksama:
Padčas śniehapadu minskija taksisty padniali ceny ŭ dva-try razy
Biełaruskija čyhunačniki čyściać šlachi śpiecyjalnym ciahnikom