U Biełarusi isnujuć piensii, jakija možna pieradavać u spadčynu

Načalnica hałoŭnaha ŭpraŭleńnia piensijnaha zabieśpiačeńnia Ministerstva pracy i sacyjalnaj abarony Alena Homarava raskazała ŭ efiry prahramy «Biełaruskaje vriemiečko» pra toje, ci možna paśla zaŭčasnaj śmierci čałavieka naščadkam pretendavać na jahonyja piensijnyja hrošy.

Fota ilustracyjnaje

Sa słoŭ čynoŭnicy, takaja mahčymaść sapraŭdy jość — havorka idzie pra nazapašvalnuju piensiju ź finansavaj padtrymkaj dziaržavy.

Kali ŭdzielnik hetaj prahramy jašče nie dasiahnuŭ ahulnaŭstanoŭlenaha piensijnaha ŭzrostu i pamior, to vypłačanyja za jaho strachavyja ŭnioski pierachodziać u spadčynu.

Kali ž čałaviek užo dasiahnuŭ piensijnaha ŭzrostu i atrymlivaŭ dadatkovuju nazapašvalnuju piensiju, to spadčyńnikam pieradajecca mienavita nazapašanaja častka hetych vypłat.

Kamientary da artykuła