Stali viadomyja miesca i dakładny čas raźvitańnia ź Mikitam Miełkazioravym
Raniej paviedamlałasia, što na aŭtorak 30 śniežnia ŭ Varšavie pryznačana raźvitańnie z raptoŭna pamierłym u noč z 20 na 21 śniežnia 37‑hadovym biełaruskim žurnalistam Mikitam Miełkazioravym. Ciapier jahonaja žonka Lina Capava i siabar Alaksandr Ivulin paviedamili dakładny adras i čas.
Mikita Miełkazioraŭ. Fota: «Naša Niva»
«Raźvitańnie ź Mikitam adbudziecca 30 śniežnia z 12:00 da 15:00. Miesca: Fosa 19a, 02‑768 Warszawa», — napisała Lina Capava, paprasiŭšy nie prychodzić na cyrymoniju zahadzia i nie prynosić štučnyja kvietki.
Taksama jana nahadała pra vykazanuju jašče raniej prośbu nie pravodzić u pamiaškańni dla raźvitańnia fota– i videazdymku, za hetym budzie sačyć achova.
Pa fakcie raptoŭnaj śmierci Mikity Miełkaziorava polskaja prakuratura pačała rasśledavańnie. Było praviedziena ŭskryćcio cieła, vyniki ekśpiertyzy stanuć viadomyja praź niekalki miesiacaŭ.
Čytajcie taksama:
Paźniak: Amal nie sumniavajusia, što Miełkaziorava atrucili vorahi Biełarusi i vorahi čałaviectva
Volha Takarčuk: Vulica Hamarnika chaj budzie Miełkaziorava
Bolš za 3400 biełarusaŭ zrabili achviaravańni siamji Mikity Miełkaziorava