Zaćvierdžany biudžet Biełarusi na 2026 hod

Alaksandr Łukašenka 29 śniežnia padpisaŭ zakon ab respublikanskim biudžecie Biełarusi na 2026 hod, paviedamlaje pres-słužba palityka.

Zdymak ilustracyjny. Fota: «Naša Niva»

Dachody biudžetu zapłanavanyja na ŭzroŭni 54,4 miljarda rubloŭ, a vydatki — 58,7 miljarda. U paraŭnańni z 2025 hodam pastupleńni pavialičacca na 12,4%, a vydatki — na 10,4%.

Asnoŭny rost dachodaŭ čakajecca za košt padatku na dadadzienuju vartaść, padachodnaha padatku, padatku na prybytak, a taksama pastupleńniaŭ ad źniešnieekanamičnaj dziejnaści. Pry hetym dla bolšaści padatkapłacielščykaŭ padatkovaja nahruzka zastajecca na raniejšym uzroŭni.

U biudžecie taksama praduhledžana dadatkovaje finansavańnie pryjarytetnych śfier, u tym liku navuki, ahrapramysłovaha kompleksu i padtrymki ekspartu.

Deficyt respublikanskaha biudžetu vyznačany na sumu 4,3 miljarda rubloŭ, što składaje mienš za 1,5% vałavaha ŭnutranaha praduktu.

Kamientary da artykuła