Akcior papularnaha sieryjała «Vielmi dziŭnyja spravy» paŭtara hoda nie pryznavaŭsia pra zdymki. Kazaŭ, što hraje ŭ dakumientałcy pra majanez
13‑hadovy aktor Džejk Koneli syhraŭ škodnika Dereka ŭ piatym siezonie sieryjała «Vielmi dziŭnyja spravy» ad Netflix.
Fota: Netflix
Padletak paŭtara hoda nie pryznavaŭsia navakolnym pra svoj udzieł u sieryjale i kazaŭ, što zdymajecca ŭ dakumientalnym filmie pra majanez. I jamu vieryli! Pra heta aktor raskazaŭ na amierykanskim šou Džymi Fełłona.
Džejk Koneli prajšoŭ kastynh na rolu Dereka jašče ŭ 2024 hodzie. Ale pra svaje zdymki ŭ sieryjale nie moh nikomu raskazvać. Jon śmiajecca, što paśla jaho adkazu pra dakumientałku pra majanez u ludziej bolš nie ŭźnikała dadatkovych pytańniaŭ.
Apošni, piaty, siezon sieryjała «Vielmi dziŭny spravy» vychodzić u kancy hetaha hoda. Častku sieryj užo prezientavali 26 listapada i 26 śniežnia, a apošniuju sieryju vypuściać na samy novy hod — 31 śniežnia. Sieryjał raskazvaje pra zahadkavyja padziei ŭ amierykanskim horadzie Chokins u 1980-ja. Pa žanry heta sumieś navukovaj fantastyki, choraru, dramy i padletkavaha kino. Hety sieryjał staŭ adnym z samych papularnych u historyi Netflix.
Čytajcie taksama:
Vychodzić finał kultavaha sieryjała «Vielmi dziŭnyja spravy». Hledačy abrynuli Netflix
Netflix kuplaje Warner Bros za $82,7 miljarda
Novy «Frankienštejn» kultavaha Hiljerma del Tora — badaj, samy pryhožy film hoda
Zorku «Brydžertonaŭ» nazvali samym seksualnym mužčynam śvietu — 2025