Karejcy, jakija trapili ŭ pałon da ŭkraincaŭ, zachacieli žyć u Paŭdniovaj Karei
Dvoje vajennapałonnych z KNDR, jakich ciapier utrymlivajuć va Ukrainie, zajavili pra svajo žadańnie pierajechać u Paŭdniovuju Kareju i pačać tam novaje žyćcio, paviedamlaje Bild.
U zvarocie da pravaabarončaj arhanizacyi ŭ Sieule pałonnyja karejcy napisali, što dziakujučy padtrymcy žycharoŭ Paŭdniovaj Karei ŭ ich źjavilisia novyja nadziei i mety. Mužčyny padkreślili, što ŭsprymajuć svaju situacyju nie jak trahiedyju, a jak pačatak novaha etapu ŭ žyćci, padziakavaŭšy ŭsim, chto nadaŭ im śmiełaści.
Pałonnyja adznačyli, što adčuvajuć siabie nie samotnymi i ličać ludziej u Paŭdniovaj Karei blizkimi — nibyta baćkami, bratami i siostrami. Tamu jany i vyrašyli davieryć siabie hetaj krainie. List byŭ padpisany imi abodvuma.
Pavodle kanstytucyi Paŭdniovaj Karei hramadzianami hetaj dziaržavy ličacca taksama i žychary Paŭnočnaj Karei. Urad u Sieule paćvierdziŭ, što hetaje pałažeńnie raspaŭsiudžvajecca i na paŭnočnakarejskich vajskoŭcaŭ, uziatych u pałon va Ukrainie.
Čytajcie taksama:
Elitnyja paŭnočnakarejskija kamandas, uziatyja ŭ pałon pad Kurskam, dali pieršaje vialikaje intervju
Paŭnočnakarejskija vojski šmat čamu navučylisia, vajujučy z Ukrainaj
Zialenski apublikavaŭ novaje videa z pałonnym paŭnočnakarejskim vajskoŭcam
Vajskovy bilet, znojdzieny ŭ pałonnaha paŭnočnakarejca, vypisany na realnaha tuvinca
SBU raskazała, što stała viadoma z dopytaŭ uziatych u pałon paŭnočnakarejskich vajskoŭcaŭ