Va Ukrainie asudzili na 15 hadoŭ ahienta biełaruskaha KDB
Na ŭkrainskaj Vałyni sud asudziŭ ahienta biełaruskaha KDB, jaki zajmaŭsia špijanažam suprać ukrainskich pamiežnikaŭ, na 15 hadoŭ pazbaŭleńnia voli z kanfiskacyjaj majomaści, piša «RBK-Ukraina».
Fota: pres-słužba prakuratury Vałynskaj vobłaści
Jak paviedamlaje prakuratura Vałynskaj vobłaści, 25‑hadovy mužčyna ŭ 2024 hodzie pahadziŭsia supracoŭničać z zamiežnaj śpiecsłužbaj i na zadańnie biełaruskaha KDB fatahrafavaŭ i zdymaŭ na videa abarončuju infrastrukturu pobač ź dziaržaŭnaj miažoj Ukrainy. Atrymanuju infarmacyju jon pieradavaŭ svaim kurataram i atrymlivaŭ za heta hrašovuju ŭznaharodu na bankaŭskuju kartu.
Akramia zdymkaŭ abjektaŭ u pamiežnaj zonie, jon vykonvaŭ i inšyja zadańni, dziejničajučy schavana i kanfidencyjna. Špijonskaja dziejnaść praciahvałasia da maja 2025 hoda.
Sud pryznaŭ mužčynu vinavatym u dziaržaŭnaj zdradzie va ŭmovach vajennaha stanovišča. Było dakazana, što jahonyja dziejańni stvarali pahrozu abaronazdolnaści Ukrainy padčas poŭnamaštabnaj vajny.
Prysud vyniesieny pavodle č. 2 art. 111 Kryminalnaha kodeksa Ukrainy i nabudzie zakonnuju siłu paśla zakančeńnia terminaŭ na apielacyju. Na čas śledstva abvinavačany znachodziŭsia pad vartaj.
Čytajcie taksama:
U Polščy raskazali padrabiaznaści pra spravu rasijskaha apazicyjaniera, jaki akazaŭsia špijonam
U Polščy čarhovaha biełarusa asudzili za špijanaž. Ale siadzieć jamu ŭžo niadoŭha
Jak Brazilija stała «fabrykaj špijonaŭ» dla rasijskich raźviedčykaŭ