U Indyi chutkasny ciahnik sutyknuŭsia sa statkam dzikich słanoŭ
U indyjskim štacie Asam chutkasny pasažyrski ciahnik sutyknuŭsia sa statkam słanoŭ, jakija pierachodzili čyhunačnyja rejki. Niahledziačy na toje, što mašynist zaŭvažyŭ žyvioł i vykarystaŭ ekstrannaje tarmažeńnie, paźbiehnuć sutyknieńnia nie ŭdałosia, paviedamlaje Reuters.
Fota: Biju Boro / AFP via Getty Images
U vyniku avaryi zahinuli siem słanoŭ, jašče adna maładaja žyviolina atrymała traŭmy. Ad udaru z rejek syšli łakamatyŭ i piać vahonaŭ. U ciahniku znachodziłasia kala 200 pasažyraŭ, adnak nichto ź ludziej nie paciarpieŭ i častka vahonaŭ praciahnuła ruch da kančatkovaha punkta.
Incydent adbyŭsia ŭ lasistaj miascovaści ŭ akruzie Chadžaj, ale, pavodle infarmacyi čyhunačnych słužbaŭ, hetaje miesca nie źjaŭlajecca mihracyjnym šlacham słanoŭ.
U Asamie padobnyja vypadki zdarajucca davoli časta, bo ŭ štacie žyvie adna z najbujniejšych papulacyj słanoŭ u Indyi. Z 2020 hoda tut zafiksavali hibiel jak minimum dziasiatka słanoŭ u vyniku najezdaŭ ciahnikoŭ.
Čytajcie taksama:
Turyst u Kienii napaiŭ pivam słana i spravakavaŭ skandał
U Indyi pamierła najstarejšaja azijackaja słanicha. Joj było bolš za 100 hadoŭ