Babaryka i Kaleśnikava praviaduć pres-kanfierencyju ŭ Bierlinie
Byłyja palitviaźni Viktar Babaryka i Maryja Kaleśnikava ŭčora pryjechali ŭ Bierlin i źbirajucca pravieści tam u aŭtorak, 23 śniežnia, pres-kanfierencyju dla ŚMI. Pra heta havorycca ŭ razasłanym zaprašeńni dla žurnalistaŭ.
Fota: MZS Hiermanii
«U aŭtorak, 23 śniežnia ŭ 11:00 projdzie pres-kanfierencyja Viktara Babaryki i Maryi Kaleśnikavaj u Bierlinie», — paviedamiła pres-słužba kamandy Babaryki.
Arhanizatary pres-kanfierencyi abiacajuć anłajn-tranślacyju, ale pakul nie harantujuć, što biełaruskija žurnalisty, jakija nie mohuć pryjechać u Bierlin, zadaduć svaje pytańni.
Učora Viktar Babaryka i Maryja Kaleśnikava prybyli ŭ Bierlin. Ich sustrakaŭ ministr zamiežnych spraŭ Hiermanii Jochan Vadeful. Fatahrafijami sustrečy padzialiłasia pres-słužba MZS Hiermanii.
Viktara Babaryku i Maryju Kaleśnikavu vyzvalili ŭ minułuju subotu: 13 śniežnia ŭ liku 123 palitviaźniaŭ ich vyvieźli va Ukrainu, u niadzielu jany dali ŭ Čarnihavie pres-kanfierencyju.
Čytajcie taksama:
Babaryka i Kaleśnikava pryjechali ŭ Hiermaniju. Ich sustreŭ ministr zamiežnych spraŭ
Kaleśnikava — Cichanoŭskaj: Śvieta, ty navat nie ŭjaŭlaješ, kolki ja razoŭ ujaŭlała hety momant