U Pružanach mužčynu zatrymali za halucynahiennyja hryby, naźbiranyja ŭ lesie
Jak paviedamili va UUS Bresckaha abłvykankama, 35‑hadovaha mužčynu zatrymali supracoŭniki narkakantrolu Biarozaŭskaha RAUS padčas apieratyŭna-vyšukovych mierapryjemstvaŭ. Jaho padazrajuć u zachoŭvańni zabaronienych rečyvaŭ.
Fota: t.me/krepostfortuvd
Śledstva ŭstanaviła, što mužčyna ŭ śpiecyjalizavanych čatach pračytaŭ pra halucynahiennyja hryby i daviedaŭsia, jak jany vyhladajuć. Z nabytymi viedami jon nakiravaŭsia ŭ les, dzie znajšoŭ hryby, što adpaviadali apisańniu. Paśla hetaha jon vysušyŭ ich i zachoŭvaŭ doma ŭ šklanym słoiku.
Padčas ahladu žylla siłaviki znajšli i kanfiskavali bolš za 16 hramaŭ asabliva niebiaśpiečnych psichatropnych rečyvaŭ raślinnaha pachodžańnia — psiłacynu i psiłacybinu, jakija ŭtrymlivajucca ŭ hrybach.
Zatrymany patłumačyŭ, što źbiraŭsia vykarystoŭvać ich dla asabistych patreb.
U dačynieńni da mužčyny raspačali kryminalnuju spravu. Pavodle zakanadaŭstva, jamu moža pahražać pakarańnie ŭ vyhladzie pazbaŭleńnia voli na termin da piaci hadoŭ.
U milicyi nahadali, što ŭ Biełarusi nie isnuje lehalnych narkotykaŭ: usie takija rečyvy zabaronienyja, a lubyja dziejańni ź imi ciahnuć za saboj kryminalnuju adkaznaść.
Čytajcie taksama:
U Homieli mužčyna parezaŭ sabie šyju na prypynku, sam nie viedajučy navošta
U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj
U Barysavie na kłumbie vysadzili atrutny durnapjan FOTAFAKT
Što treba viedać pra hryby i ich ułaścivaści pierad tym, jak iści z košykam u les