Ministr suviazi paabiacaŭ za 5 hadoŭ pavialičyć chutkaść mabilnaha interneta ŭ 4 razy
U najbližejšyja piać hadoŭ siaredniaja chutkaść mabilnaha interneta ŭ Biełarusi pavialičycca prykładna ŭ čatyry razy. Pra heta paviedamiŭ ministr suviazi i infarmatyzacyi Kirył Zaleski padčas pasiadžeńnia Usiebiełaruskaha narodnaha schodu, piša BiełTA.
Kirył Zaleski. Fota: BiełTA
Pa słovach čynoŭnika, u ministerstvie ŭličvajuć pažadańni hramadzian adnosna palapšeńnia jakaści jak fiksavanaj, tak i mabilnaj suviazi. U jakaści adnaho z krokaŭ novaha etapu ličbavizacyi Zaleski adznačyŭ, što da pačatku pasiadžeńnia ŭ centry Minska ŭžo była zapuščanaja pieršaja zona mabilnaj suviazi pa technałohii 5G.
Ministr padkreśliŭ, što kurs na pabudovu ličbavaj dziaržavy zakładzieny ŭ Prahramie sacyjalna-ekanamičnaha raźvićcia krainy na 2026—2030 hady. Na jaho dumku, ličbavaja paviestka nastupnaj piacihodki stanie asnovaj raźvićcia Biełarusi jak sučasnaj i technałahična raźvitaj dziaržavy.
Čytajcie taksama:
U Minsku źjavilisia zony 5G-suviazi
VUP za piać hadoŭ płanujuć pavialičyć na 15,8 pracenta
Łukašenka na UNS znoŭ zhadaŭ Pratasieviča: Ciapier užo viadoma, što jon naš čałaviek