Padčas restaŭracyi sinahohi ŭ Vaŭkavyskim rajonie znajšli padmurak nieviadomaha budynka

Restaŭracyja viadziecca ŭ centry vioski Izabielin, jakaja maje bahatuju historyju, i tyčycca architekturnaha pomnika XVIII stahodździa — baročnaj sinahohi. U budučyni tut płanujecca arhanizavać muziejnuju ekspazicyju, piša BiełTA.

Fota: Instytut historyi NANB

Padčas ziemlanych rabot supracoŭniki Instytuta historyi NANB, jakija ažyćciaŭlajuć archieałahičny nahlad za imi, znajšli kamienny padmurak inšaha budynka.

Jaho možna było b pryniać za padmurak «Klajne Šul» — Małoj sinahohi, što ŭvachodziła ŭ kompleks sinahahalnaha dvara Izabielina. Adnak viadoma, što draŭlanaja Małaja sinahoha isnavała tolki z XIX stahodździa, tady jak znojdzieny padmurak adnosicca da druhoj pałovy XVIII stahodździa, pra što śviedčyć i numizmatyčny materyjał.

Padmurak maje niekalki architekturnych asablivaściaŭ, siarod jakich asabliva cikavaja — vykarystańnie u kanstrukcyi kamiennych žoranaŭ. Taksama daśledčykaŭ zacikaviła, što ŭ zonie ŭvachodu padmurak pakryty plaskatym dachavym materyjałam XVII stahodździa.

Akramia taho, znajšli asnovu piečy z razvałam kafli XVII stahodździa. Heta śviedčyć pra toje, što da stvareńnia sinahahalnaha dvara ŭ centry Izabielina isnavaŭ inšy budynak z bahata dekaravanymi piečami.

Kamientary da artykuła