Jašče adna kraina admoviłasia ŭdzielničać u Jeŭrabačańni-2026
Isłandyja nie budzie ŭdzielničać u konkursie pieśni «Jeŭrabačańnie-2026». Pra heta ŭviečary 10 śniežnia paviedamiła miascovaja dziaržaŭnaja teleradyjokampanija RÚV.
Isłandski hurt Væb na Jeŭrabačańni-2025 u šviejcarskim Bazieli. Fota: AP Photo/Martin Meissner
Rašeńnie było pryniata kiraŭnictvam kampanii paśla taho, jak Jeŭrapiejski viaščalny sajuz dazvoliŭ udzieł u konkursie Izraila, što vyklikała hramadskaje abureńnie ŭ Isłandyi. Raniej niekalki teleradyjokampanij papiaredžvali, što mohuć bajkatavać konkurs, kali ŭ im budzie ŭdzielničać Izrail, z-za dziejańniaŭ hetaj krainy padčas vajny ŭ siektary Haza.
Adrazu paśla praviadzieńnia pasiadžeńnia Jeŭrapiejskaha viaščalnaha sajuza 5 śniežnia i pryniaćcia rašeńnia na karyść Izraila ad udziełu ŭ konkursie «Jeŭrabačańnie-2026» admovilisia čatyry krainy: Ispanija, Niderłandy, Słavienija i Irłandyja. Isłandyja stała ŭ hetym śpisie piataj.
Pakolki ŭ hetym hodzie pieramožcam Jeŭrabačańnia, što prachodziła ŭ šviejcarskim Bazieli, staŭ aŭstryjski śpiavak JJ (Džej Džej), nastupny konkurs pavinien prajści ŭ mai 2026 hoda ŭ Vienie.
Čytajcie taksama:
Čatyry krainy nie buduć udzielničać u Jeŭrabačańni-2026, pratestujučy suprać dopusku Izraila
U adnoj ź minskich škoł vypuskniki paciešyli publiku pieśniaj ź sioletniaha «Jeŭrabačańnia» VIDEA
Pieramožca sioletniaha «Jeŭrabačańnia» choča, kab nastupnaje prajšło biez udziełu Izraila