Litva pasłała ŭ Minsk notu pratestu ad MZS

9 śniežnia Ministerstva zamiežnych spraŭ Litvy ŭručyła notu pratestu časovamu pavieranamu ŭ spravach Biełarusi ŭ suviazi z hibrydnymi atakami i zachopam transpartu litoŭskich pieravozčykaŭ, paviedamiła pres-słužba viedamstva. Litva adznačyła, što Biełaruś admoviłasia vieści pieramovy ŭ ramkach ABSIE, bo jaje nie zadavoliŭ uzrovień prapanavanych sustreč.

MZS Litvy

Litoŭskaje MZS patrabuje ad Biełarusi naładzić kantrol nad pavietranaj prastoraj i viarnuć niezakonna ŭtrymanuju ŭ krainie majomaść hramadzian ES. Taksama litoŭski bok vykazaŭ škadavańnie, što biełaruski bok nie skarystaŭsia mahčymaściu abmierkavać prablemnyja pytańni na techničnym uzroŭni, na što Litva była hatovaja padčas pasiadžeńnia Rady ministraŭ ABSIE 4 śniežnia ŭ Vienie.

Biełaruś prapanuje vieści dyjałoh na vysokim uzroŭni (naprykład, na ŭzroŭni ministraŭ zamiežnych spraŭ), ale Litva nie hatovaja da takich kantaktaŭ, pakul biełaruski bok nie vykanaje peŭnych umoŭ, jakija Rada Jeŭrasajuza vystaviła 12 kastryčnika 2020 hoda i paćvierdziła ŭ 2024-m:

• spynić represii suprać udzielnikaŭ demakratyčnaha ruchu, niezaležnych miedyja i hramadzianskaj supolnaści;
• vyzvalić palityčnych źniavolenych i kampiensavać im škodu;
• harantavać biaśpiečnaje viartańnie asobaŭ, jakija pakinuli krainu;
• zabiaśpiečyć prazrysty i inkluziŭny palityčny praces, jaki pryviadzie da svabodnych i spraviadlivych vybaraŭ pad nazirańniem ABSIE;
• harantavać pravy čałavieka, svabodu słova, schodaŭ i dziejnaść ŚMI.

Kamientary da artykuła