U minskim mietro prachodziać vyprabavańni novyja ciahniki FOTY
9 śniežnia na Aŭtazavodskaj linii minskaha mietro prajšło vyprabavańnie novaha piacivahonnaha ciahnika «Minsk 2024». Pasažyry mieli mahčymaść ubačyć navinku na svaje vočy.
Pa maršrucie ciahnik spyniaŭsia na stancyjach, a ŭ vahonach znachodzilisia supracoŭniki elektradepo «Mahiloŭskaje» i śpiecyjalisty zavoda-vytvorcy «Mietrovanhonmaš». Jany sačyli za pracaj abstalavańnia i pravodzili testavańnie ciahnika niepasredna na linii.
U lutym 2025 hoda pamiž «Mietravanhonmašam» i dziaržaŭnym pradpryjemstvam «Minski mietrapaliten» byŭ padpisany kantrakt na pastaŭku 20 novych vahonaŭ mietro «Minsk 2024». Čatyry piacivahonnyja ciahniki zamieniać staryja, jakija adpracavali termin ekspłuatacyi.
Pieršaja para novych ciahnikoŭ užo dastaŭlenaja ŭ Minsk: adzin ź ich prachodzić zapusk i naładku, a druhi ciapier na vyprabavańni. Astatnija dva sastavy prybuduć u najbližejšy čas.
Čytajcie taksama:
Minski mietrapaliten prezientavaŭ novyja ciahniki. Jany buduć chadzić na Aŭtazavodskaj linii
Minski mietrapaliten pakazaŭ novyja ciahniki, zroblenyja pad zakaz u Rasii