Histaryčnuju kaplicu adnaŭlajuć u Stoŭbcach. Jakoj jana budzie, «zaležyć ad finansavańnia»
Katalickaja parafija ŭ Stoŭbcach adnaŭlaje histaryčnuju kaplicu, jakaja znachodziłasia pry razburanym savieckaj uładaj kaściole śviatoha Kazimira. U 1958 hodzie byŭ źniščany ŭvieś kompleks razam z kaplicaj śviatoha Daminika, ale ŭ 2023 hodzie parafija atrymała ŭ karystańnie ziamielny ŭčastak, dzie znachodziŭsia histaryčny chram, piša Katolik.life.
Fota: facebook.com/igor.lachouk
Na hetym miescy ładzili raskopki i znajšli sklepy kaścioła i pareštki Słuhi Božaha Fabijana Mališoŭskaha, jakoha nazyvajuć «cudatvorcam Staŭbcoŭskim».
U histaryčnym miescy ŭžo adnavili bramu-zvanicu, a ciapier adbudoŭvajuć kaplicu, u sklepach jakoj znachodziłasia da Druhoj suśvietnaj vajny truna Mališoŭskaha. Tut ža, vierahodna, znoŭ raźmieściać jaho pareštki.
Taksama ŭ płanach — adnavić sklepy kaścioła, dzie znachodziacca pachavańni fundataraŭ i manachaŭ-daminikancaŭ.
Parafija pakazała mahčymy prajekt kopii kaplicy i ŭsiaho kompleksu. Ci stanie kaplica pryhažejšaj za aryhinał — «zaležyć ad finansavańnia», adznačyŭ probašč parafii ksiondz Ihar Łašuk.
Fota: facebook.com/igor.lachouk
Raniej Ihar Łašuk pryznavaŭ, što ciesna supracoŭničaje z praŭładnym biznesoŭcam Alaksandram Zajcavym, jaki achviaravaŭ hrošy na budaŭnictva novaha kaścioła śviatoha Kazimira. Ksiondz navat zapisaŭ na svajo imia adnu z kampanij, źviazanych z Zajcavym, kab dapamahčy jamu takim čynam abychodzić nakładzienyja zachodnimi krainami sankcyi.
Vierahodna, jon ža finansuje i prajekt pa adnaŭleńni kaplicy.
Čytajcie taksama:
U Stoŭbcach raskapali padmurki kaścioła, źniščanaha savietami. Płanujuć adnavić
«Djabał abvinavačvaje». Ksiondz Łašuk praciahvaje słužyć i vykazaŭsia pra skandał vakoł siabie
Ksiandza Łašuka abvinavacili ŭ tym, što jon maje dziaciej. Kaścioł pačaŭ raźbiralnictva
Abychodzić sankcyi «kašalku Łukašenki» Zajcavu dapamahaje staŭbcoŭski ksiondz Łašuk — BRC