Z novaha hoda ŭ Hruziju možna budzie jeździć tolki ź miedycynskaj strachoŭkaj
Hruzija źmianiła praviły ŭjezdu dla inšaziemcaŭ, uklučajučy biełarusaŭ. Pačynajučy z 1 studzienia 2026 hoda pry ŭjeździe ŭ krainu nieabchodna budzie abaviazkova mieć miedycynskuju strachoŭku. Heta praduhledžana papraŭkami da hruzinskaha zakona «Ab turyźmie».
Batumi. Zdymak ilustracyjny. Fota: «Naša Niva»
Paśla ŭviadzieńnia novych pravił strachavy polis treba budzie pakazvać na miažy.
Polis pavinien dziejničać uvieś pieryjad znachodžańnia ŭ Hruzii i pakryvać minimalny nabor miedycynskich vydatkaŭ: nie mienš za 5 tysiač dalaraŭ na ekstranuju ambułatornuju dapamohu i nie mienš za 30 tysiač dalaraŭ na stacyjanarnaje lačeńnie. U tym liku musiać być uličanyja niaščasnyja vypadki, traŭmy, raptoŭnyja chvaroby, miedevakuacyja i repatryjacyja.
Takija novaŭviadzieńni Hruzija źbirałasia ŭvieści jašče z 1 červienia 2024 hoda, ale paśla adkłała ich na paŭtara hoda.
Čytajcie taksama:
U jakich krainach biełarusam možna chutčej atrymać hramadzianstva?
Hruziju nie zaprasili na sustreču ministraŭ ES z krainami-kandydatami na siabroŭstva