U Indyi złavili dzieviacimietrovuju kitovuju akułu
Dzieviacimietrovaja rybina razam ź inšym ułovam trapiłasia ŭ sietki ekipažu rybałoŭnaha sudna, jakoje adpraviłasia ŭ mora ŭ vakolicy horada Bałasor u sieradu 2 śniežnia, paviedamlaje Odisha TV.
Rybaki złavili kitovuju akułu prykładna za 200 mietraŭ ad bieraha. Vyciahnuć ułoŭ na bierah samastojna jany nie zdoleli. U vyniku spatrebilisia namahańni sotni čałaviek, kab pry dapamozie viarovak vyciahnuć rybinu na piasok.
Pavodle danych Odisha TV, heta pieršy vypadak u rehijonie, kali ŭdałosia złavić kitovuju akułu takich pamieraŭ.
Źjaŭleńnie takoj niezvyčajnaj rybiny vyklikała cikavaść turystaŭ i miascovych žycharoŭ, jakija stali masava źjazdžacca na plaž, kab sfatahrafavacca.
Čytajcie taksama:
U Aŭstralii akuła napała na padletka. Jaho vyratavali advažnyja siabry
Navukoŭcy ŭpieršyniu zafiksavali aranžavuju akułu-niańku FOTA