У Індыі злавілі дзевяціметровую кітовую акулу
Дзевяціметровая рыбіна разам з іншым уловам трапілася ў сеткі экіпажу рыбалоўнага судна, якое адправілася ў мора ў ваколіцы горада Баласор у сераду 2 снежня, паведамляе Odisha TV.
Рыбакі злавілі кітовую акулу прыкладна за 200 метраў ад берага. Выцягнуць улоў на бераг самастойна яны не здолелі. У выніку спатрэбіліся намаганні сотні чалавек, каб пры дапамозе вяровак выцягнуць рыбіну на пясок.
Паводле даных Odisha TV, гэта першы выпадак у рэгіёне, калі ўдалося злавіць кітовую акулу такіх памераў.
З'яўленне такой незвычайнай рыбіны выклікала цікавасць турыстаў і мясцовых жыхароў, якія сталі масава з'язджацца на пляж, каб сфатаграфавацца.
Чытайце таксама:
У Аўстраліі акула напала на падлетка. Яго выратавалі адважныя сябры