Čynoŭniki patłumačyli, što stała z kaštoŭnym vałunom u Vilejcy
Hieałahičny pomnik pryrody respublikanskaha značeńnia, vałun «Lubiecki», byŭ pieraviezieny ź vioski Vutki Vilejskaha rajona ŭ 2007 hodzie i pastaŭleny ŭ Vilejcy ŭ samym pačatku vulicy Vałynca. Na padstavie aficyjnaha rašeńnia jon byŭ vyklučany sa śpisu pomnikaŭ pryrody respublikanskaha značeńnia pastanovaj Minpryrody № 62 ad 27 listapada 2025 hoda. Heta vyklikała ździŭleńnie i abureńnie. Miascovyja čynoŭniki tłumačać, u čym reč, piša «Minskaja praŭda».
Fota: «Minskaja praŭda»
«Kamienny vołat nie źnik z karty Vilejščyny. Paśla afarmleńnia nieabchodnych dakumientaŭ u rajvykankamie jon atrymaje novaje žyćcio, stanie pomnikam pryrody miascovaha značeńnia pad nazvaj «Vilejskija vołaty», — rastłumačyli ŭ Vilejskaj rajonnaj inśpiekcyi pryrodnych resursaŭ i achovy navakolnaha asiarodździa.
Vałun «Lubiecki» — heta kamień z šeraha parfirapadobnaha hranitu z mnostvam kryštalaŭ palavoha špatu i šeraha kvarcu. Daŭžynia vałuna — 2 m; šyrynia — 1,7 m; vyšynia — 1,35 m. Jon maje adšlifavanuju pavierchniu i akruhłyja baki.
Čytajcie taksama:
U Vilejcy «stracili» vałun, jaki ličyŭsia pomnikam pryrody respublikanskaha značeńnia
U Navahrudku archieołahi znajšli ŭčastak padmurka XVIII stahodździa
Navukoviec raskryŭ tajamnicu staražytnaha achviarnaha kamienia ŭ Minskim rajonie
Biełaruski dyzajnier pradaje zvyčajny kamień z Naračy za $2000