MARH: Navahodni aliŭje dla biełarusaŭ sioleta patańnieŭ na 2 rubli
5 śniežnia ŭ Minsku pradstaŭnica Ministerstva antymanapolnaha rehulavańnia i handlu Kaciaryna Makucenia paviedamiła, što ŭ viedamstvie ŭžo padličyli košt pryhatavańnia kłasičnaha sałata «Aliŭje» stanam na pačatak śniežnia, piša BiełTA.
Zdymak ilustracyjny. Fota: freepik.com
Zhodna z raźlikami čynoŭnikaŭ, poŭny sałatnik pradukta, zroblenaha pavodle kłasičnaha receptu, budzie kaštavać kala 11 rubloŭ.
U śniežni minułaha hoda padobny raźlik pakazvaŭ košt kala 13 rubloŭ.
Pry raźliku ŭličvalisia pradukty ŭ takim abjomie: 300 h varanaj kaŭbasy, 500 h bulby, 200 h morkvy, 100 h cybuli, 5 jajek, 200 h salonych ahurkoŭ, kala 300—350 h kansiervavanaha harošku i 200 h majanezu. Recept i praceduru pryhatavańnia zabiaśpiečyli pradpryjemstvy hramadskaha charčavańnia.
Jak adznačyli ŭ MARH, kančatkovaja cana da kanca śniežnia moža źmianicca — i mahčyma, što navat u bok panižeńnia, dziakujučy akcyjam i śpiecyjalnym prapanovam u handlovych sietkach.
Čytajcie taksama:
«Bieła-Koła» vypuściła navahodniuju haziroŭku sa smakam ziefiru ŭ šakaładzie
U Minsku pradajecca navahodniaja jełka bolš čym za 8 tysiač rubloŭ FOTAFAKT