Pad Viciebskam pačali vyrablać białkovyja batončyki. Praŭda, pakul što nie dla biełarusaŭ

U Viciebskim rajonie pačynaje pracu novaja vytvorčaść: zavod, jaki raniej pierapracoŭvaŭ sušanyja harodninu i sadavinu, ciapier budzie vyrablać białkovyja batončyki, paviedamlaje telekanał STB.

Fota: STB

Pradukcyju płanujuć rabić tolki ź biełaruskich inhredyjentaŭ: suchafruktaŭ, lasnych arechaŭ, siemak, zbožžavych. Abaviazkovym składnikam stanuć sušanyja jabłyki ŭłasnaj vytvorčaści. Batončyki buduć biez cukru — jaho zamieniać naturalnyja padsałodžvalniki i suchafrukty.

Dyrektar pradpryjemstva Uładzimir Uścinovič adznačyŭ, što pieršyja sieryi zrabili śpiecyjalna dla zakazčykaŭ z Rasii. Heta batončyki na asnovie suchafruktaŭ — razynak, kurahi i arechaŭ.

Dla vytvorčaści abrali dziesiać receptaŭ. Nadalej zavod maje namier zaniacca taksama vytvorčaściu sublimavanych jahad i sadaviny, pakolki taki sposab dazvalaje maksimalna zachavać karysnyja rečyvy.

Padobnuju liniju vysokabiałkovych batončykaŭ raniej płanavali zapuścić i na fabrycy «Čyrvony mazyranin».

Kamientary da artykuła