Ušakoŭ: Kampramisaŭ padčas sustrečy Pucina z Uitkafam nie dasiahnuli

Paśla piacihadzinnaj sustrečy prezidenta Rasii Uładzimiram Pucinym sa śpiecpradstaŭnikom ZŠA Styvam Uitkafam i ziaciem prezidenta ZŠA Donaldam Trampa Džaredam Kušnieram paviedamić pra ich vyniki z rasijskaha boku daručyli pamočniku Pucina Juryju Ušakovu.

Juryj Ušakoŭ padčas kamunikacyi z presaj. Skrynšot ź videa

Juryj Ušakoŭ zajaviŭ, što hutarka Uładzimira Pucina sa Styvam Uitkafam była kanstruktyŭnaj, vielmi karysnaj i źmiastoŭnaj. Maskva nibyta z čymści moža pahadzicca ŭ ramkach płana ZŠA pa Ukrainie, ale niešta vyklikaje i krytyku rasijskaha boku.

Kampramisaŭ padčas sustrečy znojdziena nie było, tamu sustreča Uładzimira Pucina z prezidentam ZŠA Donaldam Trampam na hety momant nie płanujecca. Mahčymaść hetaj sustrečy budzie zaležać ad taho, jaki prahres budzie dasiahnuty na šlachu ŭrehulavańnia.

Baki zajavili pra hatoŭnaść praciahvać sumiesnuju pracu dla dasiahnieńnia ŭrehulavańnia na Ukrainie.

Pa słovach Ušakova, baki abmiarkoŭvali nie kankretnyja farmuloŭki i rašeńni, a sutnaść prablemy. Prytym jakraz sutnaść pieramoŭ Rasija i ZŠA damovilisia nie razhałošvać.

Kamientary da artykuła